Da dijelimo, a ne da se dijelimo

Mlade Demokrate održale su u Beranama performans pod nazivom “Da dijelimo, a ne da se dijelimo” čija se simbolika ogleda u iskonskoj potrebi čovjeka da tvori radost ljepotom davanja, ljepotom uzajamnog pomaganja jednih drugima, posebno u teškim vremenima poput ovog u kojem mi živimo.

Demokrate ovim peformasom napominju da se drugim ljudima može i treba obratiti ne samo da se nešto od njih zatraži, već i da im se ponudi pomoć. Ta pomoć odnosi se na novu ideju koju Demokrate njeguju, pretočenu u slogan “Pobjede, a ne podjele”.

Daleko je teži posao spajati, nego razdvajati. A oni koji razdvajaju, dijele i stvaraju neslogu to rade za sopstvenu korist, podvig je pomiriti zavađene prijatelje, braću, kumove jer oni koji premošćavaju razlike i mire, to čine na korist cijelog društva.

Performansom “Da dijelimo, a ne da se dijelimo” Demokrate šalju jasnu poruku – svako od nas ako učini malo, za Crnu Goru, njene građane i njihovu budućnost to može značiti mnogo. Naše društvo može doživjeti “renesansu” i ekonomsko, socijalno i svako drugo blagostanje jedino ako smo složni i ako radimo jedni za druge, za dobro svih i za konačnu pobjedu.